На двух катоў наклалі арышт праз нявыплачаныя штрафы іх гаспадароў
Ілюстрацыйнае архіўнае фота Сяргея Зініна
Сілавікі наклалі арышт на двух катоў, чые гаспадары не сплацілі адміністрацыйныя штрафы за ўдзел у пратэстах. Пра гэта распавёў Свабодзе праваабаронца Аляксей Казлюк.
Праз некалькі дзён гаспадары знайшлі валанцёрскую арганізацыю і там ім дапамаглі з аплатай штрафаў. Каты засталіся дома.
Паводле Казлюка, гаспадароў катоў пакаралі за ўдзел у пратэстах. Яны прасілі не называць іх імёнаў і не даваць кантактаў журналістам.