На Гродзеншчыне знайшлі «тэрарыстычную групу»: ім ставяць у віну спалены дом міліцыянера
Тэлеканал АНТ сцісла паведаміў пра раскрыццё тэрарыстычнай групы. «У матэрыялах справы фігуруюць падпалы, выбухі, напады», — гаворыцца ў матэрыяле.
Сілавікі лічаць, што група дзейнічала ў Гродзенскай вобласці, на іх рахунку падпал дома міліцыянера (імаверна, у Ваўкавыску) і падпал аўтамабіля (верагодна, у Гродне).
«Удзельнікаў групы затрымалі, падчас вобшуку знойдзены цэлы арсенал зброі, у тым ліку гранаты і выбухоўка», — гаворыцца ў анонсе.
Падрабязнасці абяцаюць у вечаровых навінах.