Баскетбалістка Наталля Марчанка падпісала ліст за сумленныя выбары і супраць гвалту
ФІБА
Вядомая беларуская баскетбалістка Наталля Марчанка падпісала адкрыты ліст свабодных спартсменаў.
Наталля ўваходзіла ў склад зборнай, якая ўзяла бронзу Еўрабаскета-2007, а таксама была прызнана яго найлепшым плэймэйкерам. Удзельніца Алімпійскіх гульняў у Пекіне.
На гэты момант подпісы пад Адкрытым зваротам спартсменаў супраць гвалту і за новыя выбары паставілі 1654 чалавекі. Сярод новых падпісантаў — удзельніца дзвюх алімпіяд, пераможца Кубкаў свету і чэмпіянатаў свету канькабежка Анжаліка Кацюга. А таксама сярэбраная прызёрка Алімпіяды ў Барселоне і чэмпіёнка свету ў кіданні кап'я Наталля Шыкаленка.