У Ракаўскае прадмесце вернуць пах хлеба
Будынак хлебазавода №1. Фота з сайта planetabelarus.by
На вуліцы Ракаўскай плануюць размясціць міні-пякарню. Пра гэта «Мінск-Навінам» паведамілі ў Мінскхлебпраме.
— У красавіку будзем пачынаць рэканструкцыю будынка былога хлебазавода №1, які мае статус гісторыка-культурнай каштоўнасці. У нас ёсць на вул. Ракаўскай магазін, ён будзе зменены. Хочам зрабіць там міні-пякарню, каб у гэтым раёне зноў лунаў пах хлеба, — удакладніў генеральны дырэктар КУП «Менскхлебпрам» Андрэй Улезла.