Байдэн зрабіў прышчэпку ад каранавіруса ў прамым эфіры
Байдэн прышчапіўся ў шпіталі ChristianaCare у Ньюарку ў штаце Дэлавэр. Працэдуру транслявалі ў прамым эфіры.
Абранаму прэзідэнту ЗША ўвялі першую дозу вакцыны ад амерыканскай кампаніі Pfizer і нямецкай BioNTech, удакладняе CNN. Для дасягнення станоўчага выніку неабходна паўторнае ўвядзенне прэпарата з інтэрвалам у некалькі тыдняў. Раней 21 снежня прышчэпку ад COVID-19 зрабіла жонка Байдэна Джыл.
Тыдзень таму, 14 снежня, у Злучаных Штатах распачалі вакцынацыю насельніцтва.