Каля кватэры Алы Шарко, дзе адбываецца ператрус, затрымалі намесніка галоўнага рэдактара «Нашай Нівы»
Каля кватэры праграмнай дырэктаркі «Прэс-клуба» Алы Шарко, дзе адбываецца ператрус, затрымалі намесніка галоўнага рэдактара «Нашай Нівы» Андрэя Скурко, рэпарцёрку «Анлайнера» Таццяну Ашуркевіч і журналіста Антона Мардзіловіча. Усіх вязуць у Маскоўскае РУУС для праверкі.
Адвакат Сяргей Зікрацкі — адзіны, хто застаецца ля кватэры Алы Шарко.
Пасля таго, як затрымалі журналістаў, з кватэры вывелі праграмную дырэктарку «Прэс-клуба» Алу Шарко. Яе вязуць у Дэпартамент фінансавых расследаванняў на Кальварыйскую.
Дапоўнена: Пазней журналістаў адпусцілі. Выглядае, што іх затрымалі для таго, каб вывесці Алу Шарко з кватэры без сведкаў.
Нагадаем, заснавальніцу медыяарганізацыі Press Club Belarus Юлію Слуцкую затрымалі ў аэрапорце па прылёце ў Мінск. Ператрусы праводзяцца ў кватэрах у менеджараў Алы Шарко і Сяргея Альшэўскага.