У Гомельскім грамадска-палітычным цэнтры праходзіць ператрус
Пра гэта Радыё Свабода паведаміў актывіст Уладзімір Кацора.
Гомельскі грамадска-палітычны цэнтр «Палеская, 52»
Таксама праходзіць вобшук у праваабаронцы Васіля Палякова і актывіста АГП, аднаго з каардынатараў назірання на выбарах Мікалая Новікава.
«Нібыта гэта звязана са справай Уладзіміра Няпомняшчых», — зазначыў Кацора.
Уладзімір Няпомняшчых — пенсіянер МУС і актывіст АГП, быў затрыманы 23 снежня. Яго абвінавацілі ў «пагрозе гвалту» у дачыненні да пракурора.