У Кангрэсе ЗША заклікалі да неадкладнага імпічменту Трампа
Кангрэсмэны ад Дэмакратычнай партыі заклікалі да імпічменту Трампа. Яны заявілі, што ён павінен быць неадкладна адхілены ад пасады — хоць яму засталося выконваць абавязкі прэзідэнта ўсяго каля двух тыдняў, да інаўгурацыі Джо Байдэна.
Кэтрын Кларк, абраная ў Палату прадстаўнікоў ад Масачусетса, назвала Трампа здраднікам, які падвяргае небяспецы краіну і амерыканскі народ.
Александрыя Акасіа-Картэс, якая прадстаўляе штат Нью-Ёрк, апублікавала твіт: «Абвясціць імпічмент».