Тры наступныя станцыі трэцяй лініі мінскага метро плануюць пабудаваць да сярэдзіны 2023 года
Пра гэта падчас прамой тэлефоннай лініі заявіў першы намеснік кіраўніка Мінска Дзмітрый Мікулёнак.
Фота Наталлі Лубнеўскай
Ён адзначыў, што стаіць задача скончыць будаўніцтва станцый «Аэрадромная», «Немаршанскі сад» і «Слуцкі Гасцінец» за 2,5 года.
Раней паведамлялася, што станцыю «Слуцкі Гасцінец» яшчэ не пачыналі будаваць, а інтэр'ер трох станцый будзе зменены, каб зменшыць кошт работ.