Галоўчанка заявіў пра «пошук рашэнняў па энергарынках у ЕАЭС»
У Маскве прайшлі перамовы прэм’ер-міністраў Беларусі і Расіі.
Адна з задач, якая стаіць перад Беларуссю і РФ у 2021 годзе — гэта пошук сістэмных рашэнняў па энергарынках у Саюзнай дзяржаве, заявіў прэм'ер-міністр Беларусі Раман Галоўчанка падчас перамоваў з прэм'ер-міністрам РФ Міхаілам Мішусціным.
«Ёсць шэраг актуальных задач, над якімі трэба будзе працаваць у гэтым годзе. У іх ліку пошук сістэмных рашэнняў па агульных энергетычных рынках у Саюзнай дзяржаве і ЕАЭС», — падкрэсліў Галоўчанка.