Біткойн абнавіў свой гістарычны максімум пасля таго, як крыптавалюту купіла Tesla
Кампанія Tesla інвеставала 1,5 млрд даляраў у біткойны і плануе «ў найбліжэйшай будучыні» пачаць прымаць біткойны як плату за свае прадукты — на фоне гэтых навін кошт біткойна перавысіў 43 тысячы даляраў.
«У студзені 2021 года мы абнавілі свае правілы, якія тычацца інвеставання, каб забяспечыць больш гнуткасці ў далейшай дыверсіфікацыі і максімізацыі прыбытку ад сродкаў, якія не патрэбныя нам для падтрымання дастатковага ўзроўню ліквіднасці», — гаворыцца ў паведамленні.
На фоне гэтых навін біткойн абнавіў гістарычны максімум — кошт крыптавалюты падскочыў да 43 282 даляраў.