У Шумілінскім раёне загінуў падлетак — яго параніў дыск балгаркі
Сёння 16-гадовы падлетак з Шумілінскага раёна атрымаў смяротную траўму падчас працы ў двары дома з балгаркай, паведамляе Следчы камітэт.
Паводле следства, сёння днём 16-гадовы жыхар Шумілінскага раёна працаваў у двары дома. У гэты час ён выкарыстаў балгарку. Нечакана ў ёй лопнуў дыск, які траўмаваў юнака. Хуткую дапамогу тут жа выклікала маці падлетка. Аднак выратаваць хлопца не ўдалося. Ён памёр у аўтамабілі хуткай медыцынскай дапамогі.