У Гродне таксіст збіў дзіця, з'ехаў з месца ДТЗ, але потым сам прыйшоў у ДАІ
Аварыя адбылася днём 28 лютага ў адным з двароў па вуліцы Ліможа.
33-гадовы таксіст выязджаў з двара. З-за прыпаркаваных машын нечакана выбег 6-гадовы хлопчык. Наезду пазбегнуць не ўдалося, паведамляе БелТА.
«Пасля аварыі таксіст перадаў дзіця маці, з месца ДТЗ з'ехаў. Аднак праз некалькі гадзін ён самастойна з'явіўся ў ДАІ і паведаміў аб выпадку.
Хлопчыка пасля аварыі з пераломам нагі шпіталізавалі.