Лукашэнка: Калі хтосьці знойдзе мой палац, адразу едзьце і засяляйцеся
Аляксандр Лукашэнка адрэагаваў на чуткі, што ў яго нібыта ёсць нейкі асабісты палац. Ён паабяцаў, што калі хтосьці нешта зможа знайсці ў гэтым плане, то ён абавязкова запросіць туды СМІ і публічна пакажа.
БелТА
Пра гэта Лукашэнка заявіў сёння, адказваючы на пытанне журналіста падчас наведвання мотавелазавода, піша БелТА.
«Я ў сваёй дзяржавы нічога не скраў, не ўзяў», — падкрэсліў ён.
Лукашэнка адзначыў, што апаненты ўлады імкнуцца ўсё рабіць для таго, каб зламаць краіну, і галоўная іх мэта — прэзідэнт. «Ім трэба зламаць, а нам трэба выстаяць, і мы гэта зробім», — заявіў ён.