Сіноптыкі паабяцалі адлігу ў пятніцу
У аўторак уначы месцамі да мінус 12°С, па паўночным усходзе нават да мінус -16°С. Днём ад -4°С па поўначы да +4°С па Брэстчыне.
Фота Надзеі Бужан
У Мінску, паводле meteoinfo.by, ноччу будзе да мінус 6°С, удзень 0..-2°С.
У чацвер таксама халодна, пры праясненнях уначы да мінус -17°С. У Мінску ўначы да мінус 4°С, а днём каля нуля.
У пятніцу павінна прыйсці адліга, але з ёй снег, мокры снег, дзе-нідзе з дажджом. У Мінску meteoinfo.bу прагназуе моцны мокры снег і да +2°С.
У суботу плюсавыя тэмпературы будуць і ноччу.