МАЗ наехаў на аўтамабіль, што спыніўся з-за адсутнасці паліва
Здарэнне адбылося сёння на МКАД, паведамляе ДАІ ў сваім тэлеграм-канале.
ДАІ
МАЗ рухаўся па МКАД у напрамку Лагойскага тракта і наехаў на «Мерседэс», які спыніўся ў крайняй правай паласе з-за сканчэння паліва.
У момант наезду кіроўца яшчэ не паспела выставіць знак аварыйнага спынення.
У салоне «Мерседэса» было 5-гадовае дзіця. Хлопчык атрымаў паверхневыя траўмы, бо знаходзіўся ў аўтакрэсле.