У 10-й клінічнай бальніцы Мінска абвяргаюць чуткі пра «свіны грып»
Паніка, выкліканая пандэміяй віруса A(H1N1) («свінога грыпу») дайшла да Беларусі. «Вірус ужо ў Менску. У 10-й ГКБ шухер», — так пракаментаваў адзін з чытачоў навіну пра пандэмію, змешчаную на сайце nn.by.
Карэспандэнт «НН» звярнуўся ў 10-ю клінічную бальніцу Мінску з пытаннем, ці паступалі да іх хворыя з адпаведнымі сімптомамі. «У нас пакуль «свінога грыпу» няма. І каментаваць няма чаго», — адказала галоўны эпідэміёлаг ГКБ № 10 Радміла Шумілава.