Рассельгаснагляд забараніў увоз яблыкаў з Брэсцкай вобласці
«У мэтах недапушчэння паставак у Расію санкцыйнай прадукцыі Рассельгаснагляд з 17 сакавіка ўводзіць часовыя абмежаванні на ўвоз свежых яблыкаў, якія экспартуюцца і (або) вырабленыя ў Брэсцкай вобласці», — піша ТАСС.
Як растлумачылі ў ведамстве, Рассельгаснагляд занепакоены працяглымі спробамі ўвозу ў Расію з Беларусі санкцыйнай прадукцыі. 9 сакавіка быў выяўлены чарговы транспартны сродак, што перавозіў польскія яблыкі пад выглядам беларускай прадукцыі, вырашчанай у Брэсцкай вобласці.
Прадукцыя суправаджалася фітасанітарным сертыфікатам, выдадзеным Галоўнай дзяржаўнай інспекцыяй па насенняводстве, каранціне і ахове раслін Рэспублікі Беларусь, які пацвярджаў беларускае паходжанне яблыкаў. Аднак, як паведамілі ў расійскім ведамстве, маркіроўка сведчыла аб тым, што яблыкі былі вырашчаны ў Польшчы.