Невядомыя зняважылі касцёл у Новалукомлі абразлівымі роспісамі
Ноччу 18 сакавіка быў здзейснены акт вандалізму ў касцёле Святой Марыі Магдалены ў Новалукомлі, паведамляе catholicnews.by.
catholicnews.by
Невядомыя каля першай гадзіны ночы забраліся ў касцёл і напісалі чорнай фарбай абразлівыя словы ў прэзбітэрыі касцёла.
Шум у будынку пачуў пробашч парафіі кс. Мікалай Ліпскі (касцёл злучаны з плябаніяй). Ён паспрабаваў высветліць, што адбываецца ў святыні. Вандалы ўцяклі з месца злачынства.
Кс. Мікалай адразу ж выклікаў міліцыю. Супрацоўнікі следчых органаў працавалі да самай раніцы.