Краіны ЕС запусцілі механізм для збору доказаў парушэнняў правоў чалавека ў Беларусі
Пры падтрымцы Даніі, Германіі і Вялікабрытаніі сёння запушчаны механізм для збору і захавання доказаў грубых парушэнняў правоў чалавека ў Беларусі: у прыватнасці, катаванняў, сэксуальнага гвалту, выкраданняў і забойстваў, паведамляе тэлеграм-канал Святланы Ціханоўскай.
Фоты з тэлеграм-канала Святланы Ціханоўскай
Гэтыя даныя могуць быць выкарыстаны для завядзення і расследавання крымінальных спраў і пераследу для прыцягнення да адказнасці вінаватых у злачынствах. Платформа не заменіць механізм ААН, але будзе працаваць у яго падтрымку.
Калі пацярпелы жыве ў Беларусі, ён павінен звязацца з адной з беларускіх або міжнародных арганізацый у рамках Платформы і даць інфармацыю.
Кіраваць платформай будзе медыцынскі дырэктар Дацкага інстытута супрацьдзеяння катаванням Dignity Енс Модвіг. У кіраўніцтва ўвойдуць прадстаўнікі «Вясны», Міжнароднага камітэта па расследаванні катаванняў у Беларусі і Лонданскай праваабарончай арганізацыі Redress.