YouTube будзе аўтаматычна вызначаць тавары на відэа
YouTube пачне тэсціраваць новую функцыю, з дапамогай якой сацсетка аўтаматычна будзе вызначаць прадукты з відэа і складаць іх спіс для карыстальніка.
Фота Depositphotos.com
YouTube імкнецца палегчыць карыстальнікам пошук прадуктаў, якія паказваюцца ў відэа. Новая тэхналогія будзе іх ідэнтыфікаваць і складаць спіс, які дапаможа знайсці больш інфармацыі пра той ці іншы прадукт.
На відэа з’явіцца дадатковы значок, які будзе паказваць дадатковыя звесткі пра тавары, іншыя відэа, дзе яны таксама выкарыстоўваюцца, і спасылкі на інтэрнэт-крамы, піша BBC.
Пакуль што новая тэхналогія выпрабоўваецца толькі ў ЗША, аднак эксперты адзначаюць, што такая функцыя можа вельмі моцна паўплываць на рэкламную індустрыю.