У Егіпце сутыкнуліся два цягнікі — загінулі больш за 30 чалавек
Два цягнікі сутыкнуліся ў горадзе Тахта ў егіпецкай правінцыі Сахаг, паведамляе Egypt Today. З рэек сышлі тры пасажырскія вагоны.
@frankyedekkk / Twitter
У Міністэрстве аховы здароўя краіны паведамілі, што загінулі прынамсі 32 чалавекі, яшчэ 66 атрымалі раненні, піша РБК.
На месца здарэння накіравалі больш за 30 машын хуткай дапамогі, якія дастаўляюць пацярпелых у бальніцы.
Прычына аварыі пакуль не называецца.
Паводле звестак крыніцы Reuters у службе бяспекі, цягнікі рухаліся на невялікай хуткасці, у выніку сутыкнення два вагоны былі разбураныя, а трэці перакуліўся. Пракуратура Егіпта пачала расследаванне.