Аляксандр Зінгман выйшаў з кангалезскай турмы і ўжо ў Зімбабвэ
Міжнародныя СМІ 23 сакавіка паведамлялі, што ў аэрапорце Лубумбашы (Дэмакратычная Рэспубліка Конга) быў затрыманы Аляксандр Зінгман — «другі Шэйман», як яго называюць у беларусіх бізнэс-колах, ганаровы консул Зімбабвэ ў Беларусі.
Дакладная прычына затрымання Зінгмана так і не была агучана.
Чытайце: У аэрапорце ДР Конга затрыманы бізнэсовец, блізкі да Шэймана
Як стала вядома «Нашай Ніве», 31 сакавіка Зінгмана адпусцілі з кангалезскага СІЗА без прад'яўлення абвінавачанняў. Ён ужо знаходзіцца ў Зімбабвэ.
Пазней у МЗС пацвердзілі вызваленне бізнэсоўца.