Facebook спросціць доступ да храналагічнай стужкі навін
Кампанія Facebook абвясціла аб новых функцыях, якія дазволяць карыстальнікам прасцей пераходзіць да храналагічнага парадку адлюстравання навін у стужцы.
Для больш лёгкага пераключэння паміж стужкай навін з алгарытмічным ранжыраваннем і стужкай, адсартаванай у храналагічным парадку, з'явіцца спецыяльная панэль. Яна будзе з'яўляцца ўверсе пры пракручванні стужкі навін.
Раней опцыя была схаваная ў меню наладаў.
Яшчэ адным новаўвядзеннем стане магчымасць дадаваць у спіс Favorites да 30 старонак людзей або арганізацый.
Акрамя гэтага Facebook дадасць функцыю, якая дазваляе абмяжоўваць каментары да допісаў.