На «Гродна Азоце» разлілася сера
4 красавіка падчас зьліву вадкай серы з цыстэрны на заводзе «Гродна Азот» адбыўся праліў агрэсіўных хімікатаў.
На месца здарэньня прыбыла служба Міністэрства надзвычайных сытуацый і хуткая дапамога.
У дыспэчарскай службе заводу Радыё Свабода пацьвердзілі інцыдэнт, аднак сказалі, што ніхто не пацярпеў, што гэта не паўплывае на вытворчасьць і што пары хімікатаў ня выйшлі за межы станцыі, дзе яны разьліліся.
Вядуцца работы па ліквідацыі наступстваў аварыі.