Жыхар Мар'інай Горкі збіраў металалом на вайсковым палігоне і падарваўся на снарадзе
Надзвычайнае здарэнне адбылося на палігоне, дзе двое жыхароў Мар'інай Горкі збіралі металалом.
Знайшоўшы выбухованебяспечны прадмет, адзін з мужчын фізічна на яго ўздзейнічаў. У выніку аб'ект дэтанаваў. Мужчына шпіталізаваны з асколачнымі раненнямі. Дактары ацэньваюць яго стан як здавальняючы, паведамляе Мінабароны.
Ведамства нагадвае, што грамадзянам забаронена знаходзіцца на палігонах і вайсковых стрэльбішчах Узброеных сіл.
Меры накіраваныя ў першую чаргу на бяспеку насельніцтва.