МЗС Беларусі і Сірыі пагаварылі пра ўзаемную палітычную падтрымку
Міністр замежных спраў Уладзімір Макей правёў у аўторак тэлефонную размову з міністрам замежных спраў і па справах эмігрантаў Сірыі Фейсалам аль-Мікдадам.
Падчас размовы бакі пацвердзілі нязменнасць узаемнай палітычнай падтрымкі. Пра гэта паведаміў «Інтэрфакс» са спасылкай на прэс-службу беларускага МЗС.
Там дадалі, што ў ходзе размовы дыпламаты абмеркавалі актуальныя пытанні развіцця беларуска-сірыйскіх адносін у палітычнай, гандлёва-эканамічнай і гуманітарнай сферах.