У Беларусі тры новыя палітвязні. Агульная колькасць дасягнула 357
Праваабаронцы прызналі пераслед Кірыла Казея, Юрыя Сяргея і Аляксея Павядайлы палітычна матываваным і запатрабавалі вызваліць мужчын з-пад варты і спыніць крымінальныя справы супраць іх.
spring96.org
Кірыл Казей і Юрый Сяргей былі асуджаныя 31 сакавіка судом Заводскага раёна Мінска адпаведна на 6 і 7 гадоў калоніі ўзмоцненага рэжыму. Таксама яны мусяць сплаціць па 4350 рублёў штрафу. Іх абвінавачвалі, што яны нібыта хацелі разабрацца ў Чыжоўцы з кіроўцам БМВ, які збіў хлопца з БЧБ-сцягам.
Аляксей Павядайла — выкладчык плавання з Баранавічаў. Яго асудзілі на два гады калоніі за тое, што перавозіў у сваёй машыне кактэйль Молатава.
У Беларусі ўжо 357 палітвязняў.