Доктара мінскай бальніцы падазраюць у падпале «Табакерак»
У ноч на 14 красавіка былі падпаленыя дзве «Табакеркі» ў Бараўлянах.
Фота СК.
Праз некалькі дзён там жа падпалілі яшчэ адзін кіёск.
Неўзабаве следчыя выявілі асобу падазраванага. Ім аказаўся 53-гадовы мясцовы жыхар, доктар адной з бальніц Мінска. Мужчына затрыманы, паведамляе СК.
Яго дапыталі, ён даў прызнальныя паказанні. Канфіскаваныя запальнічка, мабільны тэлефон, адзенне.
Мінскім раённым аддзелам СК распачата крымінальная справа па ч. 1 арт. 339 (хуліганства).