Беларускія баскетбалісткі чацвёртыя на чэмпіянаце Еўропы
У матчы за бронзу саступілі іспанкам.
З мячом Вольга Падабед
Жаночая зборная Беларусі па баскетболе не змагла заваяваць медалі на чэмпіянаце Еўропы ў Латвіі. У матчы за трэцяе месца нашы дзяўчаты саступілі грозным іспанкам — 56:63.Такім чынам, каманда Буяльскага на чацвёртым месцы.
Два гады таму ў Італіі беларускі былі трэцімі. Тым не менш адна з галоўных задачаў выхаду на чэмпіянат свету‑2010 выкананая. У ніводным іншым гульнявым відзе спорту такімі поспехамі беларусы пахваліцца не могуць.
У фінале сёння расіянкі сустрэнуцца з францужанкамі.