Лаўроў анансаваў публікацыю спісу ворагаў Расіі. Спіс будзе пастаянна папаўняцца
Урад Расіі па даручэнні Уладзіміра Пуціна займаецца фарміраваннем спісу недружалюбных краін. Пра гэта заявіў кіраўнік МЗС РФ Сяргей Лаўроў у інтэрв'ю РІА Навіны, паведамляе lenta.ru.
МЗС Расіі
«Але я цяпер не стаў бы забягаць наперад: мы не хочам запісваць у гэты спіс любую краіну, якая дзесьці скажа не так у дачыненні да Расіі», — адзначыў Лаўроў.
Паводле яго слоў, адпаведныя рашэнні будуць грунтавацца на глыбокім аналізе сітуацыі і «вызначэнні магчымасцяў весці справу з гэтай краінай іншым чынам».
Кіраўнік МЗС удакладніў, што спіс ворагаў будзе перыядычна папаўняцца. Поўны пералік краін, па яго словах, хутка апублікуюць.