У двух індыйскіх штатах абвясцілі эпідэмію «чорнай цвілі»
Улады індыйскіх штатаў Раджастан і Тэлангана абвясцілі пра эпідэмію мукармікоза — грыбковага захворвання, вядомага як «чорная цвіль», піша РБК.
Лічыцца, што гэта захворванне ў першую чаргу з'яўляецца ў тых, хто перахварэў на каранавірус. Міністр аховы здароўя Раджастана заявіў, што абвяшчэнне мукармікоза эпідэміяй забяспечыць яго «комплекснае і скаардынаванае» лячэнне разам з COVID-19.
У рэгіёне налічваецца каля 100 пацыентаў з мукармікозам, для іх выдзелілі спецыяльнае аддзяленне ў дзяржаўнай бальніцы.
Услед за Раджастанам эпідэмію мукармікозу абвясцілі ўлады штата Тэлангана.
«Усе дзяржаўныя і прыватныя медыцынскія ўстановы павінны трымацца рэкамендацый па скрынінгу, дыягностыцы і лячэнні мукармікозу, выдадзеных Міністэрствам аховы здароўя», — гаворыцца ў паведамленні.
Усе медустановы павінны паведамляць пра факты захворвання ў дэпартамент аховы здароўя.