Макей і Лаўроў абмеркавалі сітуацыю вакол Ryanair
Сёння адбылася тэлефонная размова міністраў замежных спраў Беларусі і Расіі Уладзіміра Макея і Сяргея Лаўрова. Бакі абмяняліся меркаваннямі аб сітуацыі вакол інцыдэнту з самалётам авіякампаніі Ryanair і падкрэслілі неабходнасць яго ўсебаковага і аб'ектыўнага расследавання кампетэнтнымі экспертнымі органамі, паведамляе прэс-служба МЗС.
«У. Макей яшчэ раз пацвердзіў поўную транспарэнтнасць беларускага боку і гатоўнасць да адкрытага ўзаемадзеяння з адпаведнымі міжнароднымі структурамі, уключаючы прадастаўленне ім усёй неабходнай дакладнай інфармацыі», — гаворыцца ў паведамленні.
Суразмоўцы абмеркавалі таксама актуальныя пытанні двухбаковых адносін і сітуацыю ў рэгіёне. Узгоднены графік рэгулярных кантактаў кіраўнікоў знешнепалітычных ведамстваў Беларусі і Расіі на найбліжэйшую перспектыву.