Грузія абвясціла пра адкрыццё сухапутных межаў для замежнікаў
Грузія з 1 чэрвеня цалкам адкрывае сухапутныя мяжы для ўезду замежных грамадзян, паведамляе meduza.io са спасылкай на «Навіны-Грузія».
Прыехаць у краіну змогуць тыя, у каго альбо ёсць дакумент аб поўнай вакцынацыі ад COVID-19 і адмоўны ПЛР-тэст, альбо тыя, хто пакажуць адмоўны ПЛР-тэст, здадзены не пазней, чым за 72 гадзіны, і абавяжуцца на працягу трох дзён прайсці паўторнае даследаванне на каранавірус.
«Разам з тым усім наведвальнікам рэкамендуецца мець медыцынскую страхоўку, якая таксама пакрывае лячэнне ад COVID-19», — заявіў кіраўнік аператыўнага штаба пры міжведамасным каардынацыйным савеце Георгій Гібрадзэ.