20-гадовага расіяніна ў Мінску затрымалі за агучку ролікаў для апазіцыі
Учора пісалася, што ў СІЗА КДБ знаходзіцца яшчэ адзін расійскі грамадзянін — 20-гадовы Ягор Дуднікаў. Адвакат Антон Гашынскі распавёў Бі-бі-сі, што КДБ абвінавачвае Ягора ў арганізацыі групавых дзеянняў, якія груба парушаюць грамадскі парадак (ч. 1 арт. 342 КК), за тое, што той агучваў ролікі для апазіцыі.
vk.com
Гашынскі дадаў, што ён уступіў у справу 14 мая, але дагэтуль не можа патрапіць да свайго падабароннага.
Ягор з прафесіі кухар, але падпрацоўваў аматарскай агучкай мультфільмаў, анімэ і рэкламных ролікаў.
«Гэта тое ж самае, што пасадзіць у турму таксіста за тое, што ён падвёз апазіцыянера. Ён чыста тэхнічны работнік, займаўся агучкай ролікаў, якія рабіла апазіцыя пасля жнівеньскіх пратэстаў 2020 года», — распавёў Гашынскі.
Па яго словах, Дуднікаў даў прызнальныя паказанні на відэа.