У ЕС дазволілі прышчапляць ад кавіду дзяцей з 12 гадоў
Краіны Еўрасаюза цяпер могуць пачаць вакцынацыю ад каранавіруса дзяцей, якім болей за 12 гадоў, прэпаратам BioNTech/Pfizer.
Адпаведны дазвол выдала Еўракамісія, пра што ў сваім твітары паведаміла еўракамісар па пытаннях аховы здароўя Стэла Кірыакідэс, піша Delfi.lv.
Так, вакцына BioNTech/Pfizer стала першай, дапушчанай у ЕС для вакцынацыі падлеткаў.
Да гэтага вакцыну дазвалялася выкарыстоўваць толькі для людзей, старэйшых за 16 гадоў.