Самалёт «Белавія» Хургада — Мінск нечакана змяніў курс і сеў у Краснадары
Самалёт вылецеў з Хургады 1 чэрвеня ў 20:18 і павінен быў прызямліцца ў Мінску каля 2-й гадзіны ночы.
Але рэйс сеў у расійскім Краснадары. Пасажырам прычыну спачатку патлумачылі «ўмовамі надвор'я», пасля «няспраўнасцю», даведаўся Onliner. Ноч яны правялі ў аэрапорце.
Каля 7:30 раніцы абвясцілі рэгістрацыю на рэйс да Мінска, у Беларусі самалёт мае прызямліцца каля 11:00.