Пасля палітычнага суда гаспадыня выселіла з кватэры памочніцу пракурора. Завялі крымінальную справу
Неўзабаве пачнецца суд над 34-гадовай мінчанкай па ўнікальным артыкуле Крымінальнага кодэкса — «Парушэнне раўнапраўя» (арт. 190).
У чым вінавацяць жанчыну? Яна здавала кватэру памочніцы пракурора аднаго з раёнаў Мінска. Пасля гучнага палітычнага працэсу жанчына вырашыла разарваць дамову аб арэндзе. За гэта на яе і завялі крымінальную справу.
Пагражае ад штрафу да 2 гадоў калоніі. Сама жанчына дома пад падпіскай аб нявыездзе.