«Яны мусяць заплаціць». Трамп патрабуе ад Кітая $10 трыльёнаў
Былы прэзідэнт ЗША кажа, што азіяцкая звышдзяржава абавязана заплаціць не менш за 10 трыльёнаў даляраў праз пандэмію каранавіруса.
Дональд Трамп заклікаў Кітай выплаціць «рэпарацыі» Злучаным Штатам за шкоду, нанесеную COVID-19.
На выступе на з'ездзе рэспубліканцаў у Грынвілі, штат Паўночная Караліна, былы прэзідэнт заявіў, што Кітаю трэба выставіць рахунак на 10 трыльёнаў даляраў і ўсе краіны, якія вінныя грошы азіяцкай звышдзяржаве, мусяць ануляваць свае даўгі.
Трамп сказаў, што ЗША павінны ўвесці 100-адсоткавыя тарыфы на ўсе тавары, якія паступаюць з Кітая.
«Мы патрабуем рэпарацый ад Камуністычнай партыі Кітая. Кітай мусіць заплаціць. Яны павінны заплаціць», — сказаў Трамп.