У Гомелі на шматпавярховіку чырвона-зялёны сцяг замянілі на БЧБ-парасон
У Гомелі на адным са шматпавярховых дамоў чырвона-зялёны сцяг замянілі БЧБ-парасонам. Падазраваных аператыўна затрымалі, паведамляе МУС.
Гэта адбылося 7 чэрвеня ў мікрараёне «Паўднёвы». Там на адным са шматпавярховых дамоў замест чырвона-зялёнага сцяга ўсталявалі БЧБ-парасон, а дзяржсімвал уваткнулі ў скрыню.
Падазраваных хутка затрымалі. Імі аказаліся двое мужчын — 38 і 36 гадоў.