«Спутнік Лайт» паставяць у Мінск у канцы чэрвеня
У Мінск пастаўкі лайт-версіі расійскай вакцыны «Спутнік V» чакаюцца ў канцы чэрвеня.
Пра гэта «Мінск-Навінам» паведаміла старшыня камітэта па ахове здароўя Мінгарвыканкама Жанна Казачонак.
— Цяпер ва ўстановах аховы здароўя, як у паліклініках, так і ў Гарадскім цэнтры вакцынапрафілактыкі, знаходзяцца ў дастатковай колькасці вакцыны ад каранавіруса — «Спутнік V» і кітайская Vero Cell ад карпарацыі «Сінафарм», — адзначыла Казачонак.
«Спутнік Лайт» — аднакампанентная вакцына, г. зн. дастаткова аднаго ўколу. Да гэтага адзінай зарэгістраванай аднакампанентнай вакцынай была распрацоўка амерыканскай кампаніі Johnson & Johnson.
Магчыма, хутка да маштабнай прышчэпачнай кампаніі падключацца прыватнікі.
— Цяпер мы вядзём дыялог з прыватнымі медыцынскімі цэнтрамі, якія гатовыя нам падставіць плячо і дапамагчы з вакцынацыяй ад каранавіруса, — патлумачыла Жанна Казачонак.