У Баранавічах пад выглядам квасу прадавалі піва
У Дзень моладзі піва было забароненае, але хтосьці з прадаўцоў знайшоў выйсце.
У Дзень моладзі піва было забароненае, але хтосьці з прадаўцоў знайшоў выйсце.
Дзень моладзі ў баранавіцкім гарадскім парку адзначалі без спіртнога і цыгарэтаў. Піва таксама не прадавалі. Але хтосьці з прадаўцоў знайшоў выйсце, піша газета «Intex-press». Каля адной з бочак з квасам стаяла чарга. Людзі па ланцужку паведамлялі адзін аднаму навіну — тут пад выглядам квасу разліваюць піва. Чытачка газеты вырашыла праверыць гэта. «А піва можна?» — шэптам спытала яна. «Можна, толькі з квасам» — ціха адказаў прадавец. З-пад стала ён дастаў ужо налітае піва і хуценька дадаў у яго квасу. Пасля гэтага напой цяжка было адрозніць ад звычайнага квасу.