Генпракуратура «ДНР» пачала праверку ўдзелу Рамана Пратасевіча ў баявых дзеяннях на Данбасе
Генпракуратура «Данецкай народнай рэспублікі» (ДНР) пачала праверку інфармацыі аб дачыненні Рамана Пратасевіча да «злачынстваў супраць жыхароў Данбаса».
Пра гэта паведаміў у сераду кіраўнік «ДНР» Дзяніс Пушылін.
«Нашай пракуратурай праводзіцца праверка пэўных звестак. Ён [Пратасевіч] знаходзіўся ў «Азове» ў раёне Шырокіна на Марыупальскім кірунку. Якія былі злачынствы, ці ёсць гэтаму доказы. Пасля будзе прынята рашэнне аб завядзенні крымінальнай справы», — сказаў Пушылін.