Масква сутыкнулася з імклівым пагаршэннем сітуацыі з кавідам
Масква сутыкаецца з новымі штамамі каранавіруса, больш агрэсіўнымі. Такую заяву зрабіў мэр Масквы Сяргей Сабянін.
«Мы сутыкаемся, хутчэй за ўсё, з новымі штамамі, больш агрэсіўнымі, што хутка распаўсюджваюцца», — сказаў мэр.
Ён таксама адзначыў, што існуе рызыка, што колькасць заражаных за 18 чэрвеня перавысіць 9 тысяч чалавек. Гэта ў тры разы больш, чым днём раней.
У лічаныя дні ложкавы фонд Масквы быў павялічаны з 12 да 17 тысяч.
Сабянін заявіў, што сітуацыя з каранавірусам у Маскве імкліва пагаршаецца. Дынаміка росту новых выпадкаў нечаканая, паколькі каля 60 працэнтаў гараджан маюць імунітэт.