У Чорным моры расійскі вартавы карабель адкрыў папераджальную стральбу па брытанскім эсмінцы
Расійскі вартавы карабель у Чорным моры адкрыў папераджальную стральбу па брытанскім эсмінцы «Дэфэндэр», а самалёт Су-24М скінуў бомбу па курсе яго руху.
Ben Mitchell / PA / ТАСС
Пра гэта паведамляе РБК са спасылкай на Мінабароны Расіі.
Паведамляецца, што брытанскі эсмінец парушыў тэрытарыяльную мяжу ў Чорным моры, у раёне мыса Фіялент, паглыбіўшыся за яе на тры кіламетры, і не рэагаваў на папярэднія папярэджанні аб парушэнні дзяржаўнай мяжы.
Для таго каб спыніць прасоўванне брытанскага карабля, самалёт Су-24М выканаў папераджальнае бамбакіданне па курсе яго руху. Затым «Дэфэндэр» пакінуў межы расійскіх тэрытарыяльных вод.