Брэсцкае «Дынама» правядзе свой «хатні» матч еўракубкаў у Батумі
Клуб паведамляе, што такое рашэнне было прынята ва УЕФА.
Гульня супраць чэшскай «Вікторыі» пройдзе 29 ліпеня на 20-тысячнай арэне ў грузінскім Батумі. Матч адбудзецца без гледачоў.
У клубе дадаюць, што калі адновяцца наўпростыя чартары ў Беларусь, то матч можа быць згуляны ў Брэсце.
Дзе правядуць свае матчы астатнія беларускія каманды, пакуль невядома.
«Шахцёр» згуляе ў кваліфікацыі Лігі чэмпіёнаў з балгарскім «Лудагорцам», у Лізе канферэнцый жодзінскае «Тарпеда» з «Капенгагенам», а БАТЭ — з пераможцам пары «Дынама» Батумі/Трэ Пене (Сан-Марына).