У Расіі трэці дзень запар фіксуюць рэкордную смяротнасць ад кавіду
За мінулыя суткі ў Расіі ад каранавіруса памерлі 672 чалавекі, паведамляе meduza.io са спасылкай на аператыўны штаб.
ТАСС
Такім чынам ужо трэці дзень запар фіксуецца новы сутачны рэкорд смяротнасці з пачатку пандэміі.
Па стане на раніцу 1 ліпеня ў краіне выяўлены 23 543 новыя выпадкі. Агульная колькасць дасягнула 5 538 142.
У лідарах па рэгіёнах у статыстыцы захворвання застаюцца Масква (+7597 хворых за суткі), Маскоўская вобласць (+2663) і Санкт-Пецярбург (+1612).