У Беларусі ўздымуць цэны на малочку, каб пакрыць затраты на вытворчасць
Цэны на сацыяльна значныя тавары забаронена падымаць больш чым на 0,2% у месяц. Зараз спецыяльная камісія па цэнаўтварэнні пры Саўміне зрабіла выключэнне для ўсёй малочкі, каб яе продаж не быў стратны.
Узгоднена павышэнне коштаў на ўвесь асартымент малака, кефіру, смятаны, тлустага тварагу, нятлустага тварагу, сыру цвёрдага, паўцвёрдага, масла, паведамляе Мінгандлю.
Цэны на малочныя тавары можна будзе павысіць да 31 жніўня 2021 года і не больш чым на 4,9% адносна цэн у канцы лютага.