Мясцовы жыхар, які знайшоў загінулага мігранта — падпалкоўнік у адстаўцы
Дзяржаўныя медыя назвалі імя мясцовага жыхара, які, як сцвярджаецца, знайшоў «загінулага мігранта». Імя сведкі — Станіслаў Дайлідка з Воранава.
Дайлідка — вядомы ў раёне чалавек, ён былы вайсковец, працаваў у ваенкамаце. У запас выйшаў у званні маёра, падпалкоўнікам стаў пазней — гэта вынікае з публікацый «Ваеннай газеты», якая ў 2013-м называла яго «маёрам-запаснікам».
Сын Станіслава, Віталь Дайлідка, згодна з публікацыяй, у 2013-м служыў начальнікам адной з пагранічных застаў у Гродзенскай вобласці.
Сёлета ўжо воранаўская раёнка назвала Станіслава падпалкоўнікам, рапартуючы аб святкаванні 23 лютага, дзе Дайлідка атрымаў грамату — разам з міліцэйскімі афіцэрамі.