У музеі Янкі Купалы загінуў загадчык матэрыяльна-тэхнічнага аддзела
Як расказалі «Нашай Ніве» супрацоўнікі ўстановы, у музеі сапраўды была планавая праверка сістэмы пажаратушэння.
БелТА
Загінуў загадчык матэрыяльна-тэхнічнага аддзела музея Анатоль Платонавіч Пасека.
Іншага супрацоўніка, які страціў прытомнасць, паспелі своечасова вынесці на свежае паветра. Ён выжыў.
Як паведамляе СК, раніцай 5 жніўня пры планавай праверцы сістэмы пажаратушэння ў будынку музея Янкі Купалы адбыўся выхад вуглякіслага газу. Работнік музея, 67-гадовы мужчына, памёр на месцы здарэння.